Duolingo is the most popular way to learn languages in the world. Best of all, it's 100% free!

https://www.duolingo.com/OMARANOUR

أستاذ فى اتقان مهارة ضياع الفرص وتبديد الأحلام

من الحاجات الجميلة فى دولينجو إن فيه باب مفتوح للنقاش عشان لما تقابلك مشكلة تبدأ تطرحها وتشوف ايه الحلول للمرور من العقبات اللى بتقابلك ، انما للاسف بعض الناس بيتبع سياسة المكسب السريع واللى متنفعش مع التعلم خاصة لو بتتعلم لغة جديدة عليك بمفاهيمها ومصطلحاتها واستخداماتها ،، لازم تصبر وتحاول وتقع وتقوم تانى وتعافر عشان تتعلم ياريت يا اخواننا اللى بدأوا معانا فى مشوار تعلم اللغة يكملوه ،، اصدقاء كتير كنت بنافسهم واسبقهم مرة ويسبقونى مرة وهكذا انما حاليا مبيدخلوش حتى لمجرد الاطمئنان عليهم ،، الوقوف فى منتصف الطريق مش حل وكل تعبك فى الوصول لمستوى تعلم هيبقى هدر زى بالظبط المثل العربى اللى بيقول " إن المنبت لا أرض قطع ولا ظهر أبقى " يعنى الشخص العجول اللى بيستعجل قطف الثمار قبل أوانها معاه حصان وفى طريق المفترض انه يعديه فضل يجرى بالحصان لحد ما مات منه فى الطريق فولا هو وصل ولا حتى حافظ على الحصان اللى كان وسيلته الوحيدة للوصول

شدوا حيلكم لسة فى كام لغة الواحد ناوى يتعلمها لكن على قدر الامكان نتواصل مع بعض ونشترك فى منافسة يكون مبتغاها نفع الجميع ،، وربنا يوفقنا جميعا لما يحبه ويرضاه

3
1 year ago
2

4 Comments