1. Forum
  2. >
  3. Topic: Latin
  4. >
  5. FRANCISCÆ MEÆ LAUDES

https://www.duolingo.com/profile/Samurajo

FRANCISCÆ MEÆ LAUDES

Novis te cantabo chordis,

O novelletum quod ludis In solitudine cordis.

Esto sertis implicata,

O femina delicata,

Per quam solvuntur peccata !

Sicut beneficum Lethe,

Hauriam oscula de te,

Quæ imbuta es magnete.

Quum vitiorum tempestas

Turbabat omnes semitas,

Apparuisti, Deitas,

Velut stella salutaris

In naufragiis amaris.

— Suspendam cor tuis aris !

Piscina plena virtutis,

Fons æternæ juventutis,

Labris vocem redde mutis !

Quod erat spurcum, cremasti ;

Quod rudius, exæquasti ;

Quod debile, confirmasti.

In fame mea taberna,

In nocte mea lucerna,

Recte me semper guberna.

Adde nunc vires viribus,

Dulce balneum suavibus

Unguentatum odoribus !

Meos circa lumbos mica,

O castitatis lorica,

Aqua tincta seraphica ;

Patera gemmis corusca,

Panis salsus, mollis esca,

Divinum vinum, Francisca !

  • Charles Baudelaire
February 5, 2020

3 Comments


https://www.duolingo.com/profile/Samurajo

It's a poem from Charles Baudelaire


https://www.duolingo.com/profile/JM3bGj

Wish I could read it. I'm following your post for when I learn more Latin. Thank you for this!


https://www.duolingo.com/profile/ChrisV351540

we got the salted bread and holy wine!

Learn Latin in just 5 minutes a day. For free.